Reclamamos máis liñas de NoiteBús para Ribeira

O BNG ven de solicitar que o concello de Ribeira se acolla á convocatoria de subvencións para a implantación do NoiteBús e cre unha liña circular que percorra as 9 parroquias de Ribeira con suficiente frecuencia, para posibilitar que a mocidade que queira pasar as noites de ocio no noso concello non teña que usar o seu coche.

Tamén reclamamos que o Goberno Municipal de Ribeira poña en marcha, dentro desta convocatoria de subvencións, unha liña que comunique con algunha das praias do noso concello.

Do mesmo xeito, solicitamos que se manteña a liña de NoiteBús Ribeira-Padrón e se cre a de Ribeira-Noia, para facilitar o desprazamento da xuventude ribeirense e permitir que mozos e mozas poidan vir a Ribeira.

O concello de Ribeira, ten un poboación nova moi numerosa e dinámica que nas noites da fin de semana e en épocas de vacacións, se despraza as zonas de ocio nocturno da nosa cidade e dos concellos do noso entorno.

Sen dúbida unha boa forma de que a nosa mocidade evite accidentes de tráfico é usando o transporte público nas noites de ocio. Polo día poderíanse habilitar liñas de autobús cara as praias máis concorridas do noso concello.

O NoiteBús, é un servizo que estivo funcionando con grande demanda, pola mocidade ribeirense e a de toda a comarca do Barbanza.

A Orde do 14 de febreiro de 2008 é unha convocatoria pola cal os concellos poden solicitar subvencións para crear este tipo de liñas de trasporte.

O BNG de Ribeira xa ten solicitado en varias ocasións que o concello de Ribeira se acolla a esta subvención, a última o pasado 6 de xullo de 2007.

Iniciativa municipal:
2008-03-27_solicitude_noitebus.pdf

Nova relacionada na Voz:
Só tres concellos pediron axudas para o Noitebús, a catro días do peche do prazo

Deixa unha resposta

O teu enderezo electrónico non se publicará Os campos obrigatorios están marcados con *