Areeiros e Palmeira Norte no Parlamento Galego

O BNG de Ribeira quere amosar todo o seu apoio solidario aos veciños e veciñas afectados polo deslinde de Costas, así como o seu respaldo a todas aquelas medidas tendentes a acadar os 20 metros de servidume de Costas en todas as zonas urbanas do Concello e, nomeadamente, na zona dos Areeiros e Palmeira.

Nese senso, e a iniciativa do BNG de Ribeira, a deputada do BNG, Ana Pontón, e o deputado, Bieito Lobeira, interesáronse, unha vez máis, no Parlamento Galego pola problemática da área de servidume de costas dos Areeiros e Palmeira. Nesta ocasión debido a que a Audiencia Nacional dictou sentenza desestimando o Recurso interposto polo Concello de Ribeira en relación con este tema.

Reunión co director xeral de Urbanismo

Por outra banda, o BNG agarda que o director xeral de Urbanismo emita informe favorábel para unha solución acaída á problemática dos Areiros, tal como se comprometeu nunha reunión a que asistiu a voceira municipal do BNG, Dominga Brión, acompañada da deputada nacionalista Ana Pontón, á que tamén acudiron representantes do resto dos grupos políticos da corporación ribeirense, así como o presidente da asociación A Batiola, Xurxo Ferrón. Tamén esperamos unha implicación total do goberno de PP de Ribeira para, entre todas as institucións, solucionar unha problemática que hai tempo que debería estar resolta.

Iniciativa Parlamentar:
2008-01-28iniciativaareeiros.pdf

Novas relacionadas:
Nova relacionada no Diario de Arousa

Nova na Voz:
O deslinde dos Areeiros afecta a uns 300 propietarios. Brión asegura que o asunto irá ao Parlamento

Nova na Voz:
Urbanismo insta a la entidad A Batiola a presentar documentos más claros sobre Os Areeiros

Nova no Canal Rías Baixas:
Novo paso para solucionar o conflito dos Areeiros en favor dos veciños

Deixa unha resposta

O teu enderezo electrónico non se publicará Os campos obrigatorios están marcados con *