Interesámonos polo permex da navalla de Aguiño

reunionconfrariaaguinho.JPG

O BNG, por medio do deputado Bieito Lobeira, trasladou ao Parlamento Galego a demanda da Confraría de Aguiño de incrementar os permisos de explotación destinados á extracción da navalla con técnicas de mergullo.

Esta queixa foille transmitida ao BNG no transcurso dunha reunión mantida con representantes da Confraría de Carreira-Aguiño no pasado mes de febreiro. A posibilidade de aumentar os permex dirixidos a esta actividade sen dúbida repercutiría de xeito positivo no colectivo de aproximadamente 200 traballadores do mar que operan dende este porto, diversificando as especies extraídas, e tamén o esforzo pesqueiro realizado.

Esta demanda conta con unanimidade no propio colectivo de navalleiros, disposto mesmo a rebaixar o tope de extracción como método de cautela do punto de vista biolóxico e mesmo de mercado.

Iniciativa Parlamentar
2008-03-07permexnavallaaguino.pdf

Nova no Correo Gallego:
A confraría de Aguiño pide máis permisos para a navalla

Deixa unha resposta

O teu enderezo electrónico non se publicará Os campos obrigatorios están marcados con *