Reclamámos melloras no campo da Tasca de Aguiño

O BNG de Ribeira, por medio do concelleiro Luís Teira, reclama o arranxo do campo de fútbol da Tasca, en Aguiño, por ser unha instalación deportiva moi utilizada que debe ter un coidado mantemento que dignifique ás persoas que o utilicen.

Así pois, entre as deficiencias que se denuncian están as pingueiras nos vestiarios, a necesidade de arranxar as portas dos mesmos e a de dotalos de chan antideslizante para evitar caidas.

Na iniciativa tamén se reclaman melloras no alumeado do campo, arranxos diversos na cantina, no almacén e nas gradas, así como, a necesidade de dotalo dunha pequena oficina. O concelleiro nacionalista tamén indica que se debería levantar o muro que da á rúa para impedir que saian os balóns fóra e mesmo a entrada no campo sen pasar por taquilla. Remata demandando a mellora da sinalización do campo para facilitarlle a súa localización aos equipos que veñen de fora.

Iniciativa municipal:
2008-02-11arranxo_campo_da_tasca.pdf

Nova na Voz:
Os nacionalistas demandan o arranxo da cantina e dos vestiarios do campo da Tasca

Deixa unha resposta

O teu enderezo electrónico non se publicará Os campos obrigatorios están marcados con *