Demandamos o soterramento do cableado

Un Poste no medio da rúa

O BNG de Ribeira, por medio do concelleiro Francisco Ayaso Bretal, ten presentada unha moción diante da Corporación Municipal pola que reclamamos que en todas as obras que se realicen no casco urbano e nos núcleos de poboación, que impliquen o levantamento da calzada ou beirarrúas, se deixen as canalizacións necesarias para poder soterrar estes servizos.

Tamén demandamos que se negocie con FENOSA e TELEFÓNICA para soterrar as liñas nos núcleos de poboación e no casco urbano, así como a retirada dos postes que están invadindo a calzada en diferentes lugares do concello.

No casco urbano de Ribeira levamos anos padecendo unha situación de obra inacabada por falta de previsión e planificación do Grupo de Goberno do PP. As obras inícianse simultaneamente en distintas rúas sen rematar en ningunha, pese a ter sobradamente esgotado o prazo de execución. A todo isto súmase a falla de sinalización dos constantes cortes de tráfico, e o inexistente deseño de itinerarios alternativos, que ocasiona infinidade de problemas a toda a cidadanía.

A falla de previsión, planificación e control na realización da obra pública faise tamén patente en outras actuacións. Así, na maioría dos casos, o acondicionamento de rúas e beirarrúas non ten previsto o soterramento do cableado para as liñas eléctricas, telefónicas, nin sequera o do alumeado público.

Un bo exemplo é a Rúa Mariño de Rivera. Nesta rúa preténdese grapear o cableado e colocar as farois ó longo das fachadas das vivendas, co trastorno que eso supón para os propietarios e para a estética dos edificios.

Para o grupo municipal do BNG, o Concello deberá facer as obras dando o mellor servizo posible para os nosos veciños/as e tamén pensando na modernización da nosa cidade, deixando previstas todas as canalizacións necesarias para poder soterrar os cableados que pasan ó longo das fachadas das edificacións.

Iniciativa Municipal:
2007-10-19soterramentocableado.pdf

Nova na Voz:
Os nacionalistas ribeirenses reclaman que se aproveiten as obras para enterrar o cableado

Deixa unha resposta

O teu enderezo electrónico non se publicará Os campos obrigatorios están marcados con *