Reclamamos o arranxo dun valado de obra

O BNG de Ribeira, por medio do seu concelleiro Luís Teira, presentou unha iniciativa por medio da cal demanda que o Goberno Municipal inste á empresa promotora dunha obra en Insuela-Palmeira para que, de xeito inmediato, arranxe o valado protector e acondicione o camiño tal como estaba.

No lugar de Insuela en Palmeira hai unha obra na que se están construíndo vivendas xusto en frente do porto.

Coa chuvia e vento dos pasados días corréronse as terras dun camiño lindante coa obra o que provocou o derrube de parte do valado metálico que rodea a nomeada construcción. Como dende a obra se excavou con profundiade, o camiño quedou elevado, xerándose un desnivel de varios metros de altura xusto pegado ao camiño público, co risco que pode supor para os viandantes que transiten por ese lugar.

A situación ten especial gravidade xa que é un camiño moi preto de casas e dun establecemento hoteleiro.

Iniciativa Municipal
2007-11-24arranxo_vallado_obra_insuela.pdf

Nova na Voz:
Protección de obras

Deixa unha resposta

O teu enderezo electrónico non se publicará Os campos obrigatorios están marcados con *