Solicitamos que se comprobe unha urbanización de Mondelo

mondelo.JPG

O BNG de Ribeira, por medio da súa Portavoz Dominga Brión, ven de solicitar que o Goberno Municipal dea as ordes oportunas ao obxecto de comprobar que a urbanización de 30 vivendas, en 5 bloques, que se está a construír en Mondelo, Palmeira, se axustan á licencia 74/07 concedida polo Grupo de Goberno acorde co Plan Xeral de Ordenación Municipal (PXOM) de Ribeira.

Dende o grupo municipal do BNG temos denunciado en multitude de ocasións a nefasta xestión do Goberno Municipal en materia de urbanismo. Temos, tamén, reclamado reiteradamente a dotación de suficientes medios materiais e humanos para que o Departamento de Urbanismo puidese realizar as súas tarefas ao nivel que o noso Concello necesita.

Ribeira conta hoxe cun Plan Xeral de Ordenación Municipal (PXOM) que, pese ás súas deficiencias, e as reiteradas demandas do BNG, segue sen adaptar á Lei do Solo tendo xa rematado o prazo establecido para facelo en xaneiro do 2006.

Pero, ademais, o PXOM, aínda que non contara con erros, que lamentablemente si ten, nunca será un instrumento eficaz por si só se o equipo de goberno non pon en práctica as necesarias medidas de control que verifiquen, por exemplo, que as obras realizadas se axusten ás licencias outorgadas. De non ser así produciranse graves incumprimentos e agravios comparativos. Son múltiples as queixas da cidadanía de Ribeira neste sentido.

Este é o caso da obra de construcción de varios bloques de vivendas en Mondelo, Palmeira, da que o BNG ten recibido queixas da veciñanza no senso de denunciar alturas, retranqueos, edificabilidade, etc.

Iniciativa Plenaria:
2007-11-16-obra-en-mondelo-palmeira.doc

One Comment on “Solicitamos que se comprobe unha urbanización de Mondelo”

  1. Pero que pasa en Palmeira? Es que ahora nos toca a nosotros? Nadie va a reccionar? Ahora nos explicamos de donde van a sacar el dinero de la casa del cura, la plaza y el polideportivo…si se hace. Pero vale la pena? Siento la frustración de no haber reaccionado a tiempo y me siento …sola.

Deixa unha resposta

O teu enderezo electrónico non se publicará Os campos obrigatorios están marcados con *