Iniciativas do BNG debatidas no Pleno ordinario de Novembro

O pasado luns, día 26 de novembro, celebrouse o Pleno ordinario da Corporación Municipal. Na mesma debatéronse tan so 4 mocións, das 6 presentadas polo BNG, por falla de tempo. A continuación relaciónanse as mocións que se trataron. Pulsa enriba da iniciativa para obter máis información sobre a mesma. Cabe indicar que, por unha cuestión organizativa, está limitado o número de mocións a presentar por cada grupo municipal. En concreto ao BNG correspóndenos un máximo de 6.

As mocións que se debateron son en relación cos seguintes temas:

Esta moción foi votada en contra polo PP. Deste xeito o goberno do PP rexeita ceder un local á Dirección Xeral de Xuventude de Vicepresidencia para acondicionalo con locais de ensaio, dotalo de instrumentos musicais e estudio de gravación e integralo na REDE GALEGA DE LOCAIS DE ENSAIO. Renuncia así a unha infraestructura moi demandada polos grupos musicais de Ribeira, o que supón rexeitar un investimento de máis de 100.000€, e as vantaxes de estar na REDE.

Esta xestión foi feita polo BNG diante de Vicepresidencia. O Director Xeral de Xuventude, o nacionalista Ruben Cela, confirmounos que Ribeira pode contar con esa infraestructura, sempre que o concello cedera un local, algo ao que o goberno do PP non parece estar disposto.

O PP tamén votou en contra desta iniciativa do BNG. Rexeita deste xeito que o noso Concello entre a formar parte do Consorcio Galego de Servizos de Igualdade e Benestar, integrado pola Vicepresidencia da Xunta de Galicia e por 222 concellos galegos, a día de hoxe. O Consorcio é a fórmula xurídica escollida para unha xestión moderna e innovadora dos servizos sociais.

Isto supón que a cidadanía de Ribeira non vai a poder disfrutar dunha serie de servizos, entre eles unha galescola, que o BNG xestionou diante da Secretaria Xeral de Igualdade, a nacionalista Carme Adan. A Secretaria Xeral confirmounos que Ribeira poderia contar con unha galescola, sempre que o Concello se integre no Consorcio Galego de Servizos de Igualdade e Benestar, poña a disposición o terreo e aporte o 20% da financiación. Vicepresidencia encargase do 80% restante.

Cabe lembrar que Ribeira conta con un censo poboacional de preto de 1.000 nenos e nenas de 0 a 3 anos. Neste momento só dispón dunha Escola Infantil Municipal de arredor de 100 prazas de 0 a 3 anos, os preto de 900 restantes teñen que estar ao coidado das súas familias, por falla de oferta pública. A pesar disto, o PP votou en contra da nosa iniciativa, argumentando que Ribeira non necesita unha galescola.

O PP votou a favor do primeiro punto desta iniciativa que se aprobou por unanimidade e en contra do segundo alegando o argumento de sempre: ” Xa estamos niso”. Lamentábelmente os problemas continuan. Nova na Voz: A emisión dun gas irritante obrigou a Ambar a desaloxar o seu centro de Xarás

O mesmo argumento anterior tamén lle sirveu ao goberno do PP para rexeitar esta iniciativa do BNG.

4 Comments on “Iniciativas do BNG debatidas no Pleno ordinario de Novembro”

  1. Paréceme que Ribeira vai a perder moitas oportunidades con este home de alcalde. Recollía onte a prensa unha frase del: “Ribeira ten un alcalde”... Si, teno, aínda que non se nota moito, porque non exerce.

Deixa unha resposta

O teu enderezo electrónico non se publicará Os campos obrigatorios están marcados con *