Solicitamos taboleiros de anuncios informativos

O BNG, por medio do concelleiro Luís Teira, ven de solicitar a colocación de paneis-taboleiros de anuncios para que se poidan pegar carteis das actividade de interese para a cidadanía.

Tamén demandamos que estes taboleiros de anuncios se sitúen en lugares preferentes e ben visibles á cidadanía, en todas as parroquias do noso concello.

Son moitos os colectivos, asociacións, particulares e institucións públicas de todo tipo que precisan transmitir á cidadanía as súas actividades. Para iso, entre outros medios, é habitual que se utilicen carteis informativos que se colocan en lugares visibles do noso concello.

Lamentablemente non se conta con espacios acaídos para pegar estes carteis e moitas destas institucións, entre as que moitas veces se atopa o propio concello de Ribeira, teñen que recorrer a pegar en lugares non habilitados para ese fin.

Dende o BNG consideramos que hai que darlle solución á preocupante falta de espazos de comunicación social que impiden unha maior fluidez informativa entre as institucións e a veciñanza do noso concello.

Iniciativa Municipal:
2007-11-20paneis_informativos.pdf

Deixa unha resposta

O teu enderezo electrónico non se publicará Os campos obrigatorios están marcados con *