Solicitamos o arranxo dunha rúa en Parte ao Río

Rúa Parte ao Río, Carreira

O BNG, por medio da concelleira Anxeles Glez. Cruxeiras, ven de solicitar o arranxo dunha rúa no lugar de Parte ao Río, na parroquia de Carreira. Alí hai un tramo de rúa duns 300 metros de lonxitude, que da acceso a cinco vivendas, nunha das cales reside un veciño con dependencia que ten que desprazarse en cadeira de rodas porque logo de sufrir un accidente padece unha tetraplexía.

Fai xa máis de un ano que ocorreu o lamentable suceso, e dende aquela a rúa faise intransitable para a cadeira de rodas. En múltiples ocasións os familiares e veciños demandaron ante este Concello o arranxo da mesma recibindo sempre por resposta o asentimento, pero a día de hoxe o problema sigue sen solucionarse.

Son os familiares do veciño os que a diario teñen que facer un sobreesforzo, véndose obrigados a trasladar a cadeira de rodas ata un tramo accesible e ó mesmo tempo estar pendentes das saídas e chegadas do mozo porque é necesario que alguén o axude, coartándolle así a súa liberdade. O esforzo que esta familia ten que facer é insostíbel e podería aliviarse en certo xeito arranxando esa parte da rúa e facéndoa transitable, ó mesmo tempo que se daría paso ó cumprimento dunha obrigada normativa de Accesibilidade e Supresión de Barreiras Arquitectónicas e do desenvolvemento da mesma Lei de Dependencia.

Solicitude:
2007-10-26arranxoruaparteaorio.pdf

6 Comments on “Solicitamos o arranxo dunha rúa en Parte ao Río”

  1. Despois de ver o tema exposto no blog, non me queda outra mais que VOS dar as grazas.
    Grazas por por pedirlle a un Alcalde que mire por un dos seus veciños, un veciño que o simple feito de sair a comprar o periódico ou tomar un refresco suponlle unha alegría, pois no seu pequeno percorrido, pode atoparse con algún amigo, contar un conto, e así sair da pesada rutina a que está amarrada unha persoa cas suas limitacións.
    Grazas por lle dar color as voces dunha familia que ve case todo de color gris, dende fai algo mais dun ano.
    A cousa torna negra, pois cando algén ten un apretón no concello, como vaia nuha cadeira de rodas tena clara, e senon que llo pregunten ao sr. Novoa, concelleiro do PSOE, que ten que sair fora por non ter habilitado os accesos para poderse mover po-lo o Concello.
    Pregúntome eu, se para preparar unhas rampas de acceso dentro do propio Concello hay que esperar uns anos, ¿canto teremos que esperar para ter arreglado un camiño público??
    Grazas por vos acordáredes dun veciño.
    Saúdos.

  2. A min tamén de agrada que o BNG se preocupe polas cousas da xente, de toda a xente. O que me preocupa é que este goberno que temos só se preocupe polas cousas dalgunha xente, non polas de toda a xente, como é a súa obriga. Como é posible que destas cousas de primeira necesidade só se preocupen de facer promesas cando é campaña electoral, das que se esquecen o día seguinte das eleccións e aínda se vote por eles? Afortunadamente, cada vez menos, todo hai que dicilo!

  3. Que triste é escoitar estas cousas, ver como se tiran os millóns en prazas do Concello e logo outra xente sen ter por onde andar. Esta Riveira vai de mal en peor, aqui tiña que vir unha operación desas Malaia ou Guateque que daqui si que iban a sacar.

  4. E triste pero e certo, no ano 2007 e parece que vivimos cos ollos cerrados. A quen pedirlle que mire por nos se o Alcalde so se preocupa pola – cidade de riveira – e os que vivimos en aldeas quedamos no olvido. Que pouca humanidad, todo se queda en palabras que leva o vento, en falsas promesas… a ninguen lle importa as dificuldes que poda ter unha persona para poder salir pola porta da casa e ir dar un simple paseo ¡que impotencia! Donde quedaron tantas promesas Sr.alcalde? Porque Riveira ten un alcalde, verdad?

  5. Sí, si que ten, ou eso e o que dixo o outro día, pois se non o chega a decir eu non me decatara. Como non o vimos en ningún dos debates da campaña pasada ( eu pensaba que o alcalde era Ruiz ) e tampouco o vimos na manifestación de Corrubedo para defender os dereitos dos seus veciños, nin o vimos en tantos e tantos lugares onde era necesaria a súa presenza que ao final …… pois iso, que non o sabía…Bueno…creo que cando e pa sair en algunha foto e botarse méritos , si que sae.
    Tamen me pregunto que se Ribeira ten alcalde, ¿é de agora ou de fai tempo?, dígo por que hai pouco se cambiou unha Casa de Cultura por un bar en Carreira e como se fan obras fóra de aliñación detrás do concello…. adxudícanse obras a empresas ás que a Xunta retirara por incumprimento de contrato …..outras se fan cun poste de alta tensión dentro do forxado…..outras hay que denuncialas por que non reunen as condicións axeitadas ,…..Ribeira cheira que apesta e está feita un asco con tantas obras e tal mal organizadas …etc..etc.. etc. etc.
    Resumindo: eu creo que o problema está en que Ribeira ten un alcalde moi fachendoso e cando algen lle leva unha boa iniciativa, como non saleu do seu cerebro, pois hala…!! aquí non se fai nada por que o digo eu que pa eso son o alcalde!! Canta faltiña temos dunha ALCALDESA
    Saúdos

  6. Yo soy quien está solicitando los servicios del ayuntamiento y hago este comentario para quejarme por la actitud tomada por dicha administración. Después de solicitar sus servicios en varias ocasiones y no recibir ninguna clase de respuesta me parece patético que vengan “a mi casa” a recriminarme por haber participado en una recogida de firmas.

    (Después de todo lo que han hecho por ti los servicios sociales) ¿qué han hecho por mi? Esperaría bastante más de su parte, pues estoy pidiendo algo insignificante algo que me supondría poder salir de casa sin que alguien tenga que estar sujetandome constantemente, además se supone que están para eso para atender las necesidades del pueblo independientemente de la situación de cada uno. Ésto se supone que no es una empresa con la que puedan hacer lo que les venga en gana, simplemente dirigen una administración elegidos por el pueblo, espero que se replanteen su forma de actuar y que lo vean desde mi punto de vista, simplemente que se pongan en mis zapatos. Un saludo.

Deixa unha resposta

O teu enderezo electrónico non se publicará Os campos obrigatorios están marcados con *