Unha marea de dignidade inundou Corrubedo

Milleiros persoas chegadas de todos os recunchos do país uníronse hoxe nun berro colectivo no Faro de Corrubedo contra o Plan Galego de Acuicultura da Consellaría de Pesca. E alí estivo o BNG. Baixo o lema “Pola nosa costa, polo noso mar”, unha ampla representación do BNG de Ribeira, encabezada polo Responsábel Local, Xosé Alberte Lorenzo, a Portavoz Municipal, Dominga Brión, e o Grupo Municipal do BNG ao completo, manifestou o seu rexeitamento a este Plan que se ceba dunha maneira esaxerada cun dos espazos máis protexidos do país: o LIC de Corrubedo. Unha reserva de preto de 500.000 metros de chan para piscifactorías no mesmo, que representa máis do 15% do Plan, é o alarmante dato. Tamén quixeron estar a Responsábel Local e varias/os representantes de Galiza Nova de Ribeira, o alcalde de Boiro, Xosé Deira, así como o Responsábel Comarcal do BNG da Barbanza, Manuel Casal.

O mundo da cultura e as artes non podía faltar a esta importante cita. Ademais de Luís Tosar, Xosé Manuel Beiras, Patricia Vázquez e Antón Reixa, que deron lectura ao manifesto, nomes propios da cultura como os dramaturgos Kiko Cadaval ou Antón Lopo, actores como Miguel de Lira, ou músicos como Toñito de Poi non dubidaron en sumarse á Marcha de Corrubedo. Manuel Santos, Presidente da Plataforma Medioambiental de Corrubedo, agradeceu a asistencia aos manifestantes e reclamoulle ao poder político que escoite ao poder popular alí presente.

Agardamos que esta marea de dignidade que inundou Corrubedo chegue tamén á Concellaría de Pesca e faga recapacitar ao PSOE a respecto deste Plan e da desfeita que ocasionaría no noso litoral. É preciso protexer zonas emblemáticas da costa galega: Touriñán, si, Corrubedo tamén!!

Máis vídeos

Imaxes e vídeos

A Galega

Altermundo:
Do soño de Touriñán á desfeita da Laxe Brava

Adega:
Corrubedo 4-N: Marea de Dignidade

Nova na Voz:
Máis de 3.000 persoas protestan en Corrubedo contra o Plan Acuícola

Nova no Correo Galego:
Miles de personas se manifiestan en Corrubedo en contra del Plan Acuícola de la Xunta
Clamor en Corrubedo contra o Plan Acuícola
Marea verde en Corrubedo

Galicia-Hoxe:
Multitudinaria protesta en Corrubedo esixindo a paralización dun Plan acuícola “inxusto e indecente”
Manuel Rivas, escritor: “Hai lugares sagrados como Touriñán e como Corrubedo.”
Gallego recorda que Feijóo se opuxo no seu día ó Plan acuícola popular

Vieiros:
Catro mil voces contra o Plan Acuícola

El País:
Miles de persoas manifiestanse en Corrubedo contra a instalación de piscifactorías
O BNG proponlle á consellería que alonxe as plantas da costa

Diario de Arousa:
Miles de manifestantes contra o “indecente” plan acuícola

Deixa unha resposta

O teu enderezo electrónico non se publicará Os campos obrigatorios están marcados con *