Solución para os eternos e persistentes cheiros

Luís, Ana, Domi e Xosé Luís

O BNG de Ribeira, por medio do concelleiro Xosé Luís Groveiro, ven de presentar unha iniciativa relativa a problemática ocasionada polos eternos e persistentes cheiros, demandando solucións a que ten a competencia, que é o Goberno Municipal.

Non por habitual ou repetida unha situación molesta deixa de ser seria ou mesmo grave. Os problemas de cheiros en Ribeira veñen de moi atrás no tempo sen que o Goberno do Concello dera solución. Veciños e veciñas da zona de Aguiño, Couso, Graña, así como do entorno do polígono industrial de Xarás, Outeiro (Artes) e mesmo o do centro urbano de Ribeira como o parque da Concordia ou o cruce de Rosalía de Castro con Xeneral Franco, sofren moi de preto este problema.

O mantemento e/ou mellora da rede de sumidoiros é competencia municipal. Tamén o é o control dos vertidos e emisións que producen as empresas que operan no ámbito do concello. O Goberno Municipal conta tamén cun Regulamento de Vertidos que, xunto ca lexislación vixente aplicable, é a principal baza para poñer remedio a esta situación que, por outra parte, este Goberno coñece moi ben tanto polas queixas veciñais como por anteriores demandas do BNG e mesmo por informes dos propios técnicos municipais.

Moción:
2007-10-19-mocion_cheiros.pdf

Nova na Voz:
O BNG reclama a localización da orixe dos malos cheiros e a súa erradicación en Ribeira

Nova no Diario de Arousa:
El BNG solicita un estudio para conocer el origen de los malos olores en Riveira

Unha reflexión sobre “Solución para os eternos e persistentes cheiros

  1. Pingback: Iniciativas do BNG ao Pleno ordinario de outubro | BNG de Ribeira

Deixa unha resposta

O teu enderezo electrónico non se publicará Os campos obrigatorios están marcados con *