Demandamos a mellora da oferta de ensinanzas nautico pesqueiras

O BNG, por medio da deputada Ana Pontón e do deputado Bieito Lobeira, interésanse no Parlamento Galego pola mellora da oferta de ensinanzas náutico pesqueiras na Barbanza.

Na iniciativa que apresentaron indican que “a actividade pesqueira-marisqueira é un dos motores económicos da economía galega, que ocupa a máis de 120.000 persoas.” Nese senso, tamén afirman que “unha das rías máis ricas e produtivas, non só da Galiza, senón de todo Europa, é a de Arousa, da que viven aproximadamente 26.000 persoas.”

Por iso consideran que “mellorar a formación e capacitación profesional das persoas que viven das actividades do mar é un obxectivo que debe perseguir o Goberno Galego, dada a relevancia que esta actividade ten no noso país.”

Nese senso, interésanse polas medidas que se van adoptar para mellorar a formación náutico pesqueira na Barbanza, en que prazos e cal é a colaboración que se ten establecido entre as Consellerías de Pesca e Educación a fin de incrementar a oferta de ensinanzas náutico pesqueiras.

Iniciativa Parlamentar:
2007-10-18melloraensinanzasmaritimopesqueiras.pdf

Nova na Voz:
O BNG demanda que se mellore en Barbanza a oferta de ensinos náutico-pesqueiras

Deixa unha resposta

O teu enderezo electrónico non se publicará Os campos obrigatorios están marcados con *