Interesámonos no Parlamento polo Hospital da Barbanza

Son moitas as iniciativas presentadas tanto no concello de Ribeira como nos de toda a comarca, e mesmo no Parlamento, demandando melloras para o Hospital da Barbanza. Unha vez máis, a deputada que leva temas da Barbanza no Parlamento Galego, Ana Pontón, presentou unha iniciativa para interesarse polo funcionamento do servizo de citas, xa que na actualidade non todas as solicitudes de citas de especialistas se poden pedir telefonicamente.

Así en especialidades como oftalmoloxía ou xinecoloxía é requisito para solicitar cita acudir presencialmente ao hospital. Non parece moi lóxico, que nun momento en expansión da utilización das novas tecnoloxías, non se xeralice a cita telefónica.

Hai que ter en conta que isto provoca dificultades para aquelas persoas que traballan ou para a xente maior, con evidentes problemas para poder desprazarse ao Hospital da Barbanza.

Iniciativa parlamentar:
2007-10-03-hospital-da-barbanza.pdf

Deixa unha resposta

O teu enderezo electrónico non se publicará Os campos obrigatorios están marcados con *