Ribeira contará con locais de ensaio

Parte do Grupo Municipal en rolda de prensa

O Director Xeral, o nacionalista Ruben Cela, confirmounos que Ribeira pode contar con esa infraestructura, sempre que o concello ceda un local para integrar na REDE GALEGA DE LOCAIS DE ENSAIO.

Trátase dunha rede pública e gratuíta para todos os/as usuarios/as. É unha iniciativa pioneira no Estado español. Polo tanto, é a primeira vez que se mira ao noso país en política de xuventude. Isto significa, ademais, que contaremos, se o concello así o quer, con unhas instalacións de alto nivel.

Tamén favorece a convivencia veciñal porque os grupos terán locais acondicionados e insonorizados, evitando así molestias á cidadanía. É, así mesmo, un modelo de participación, xa que antes de facer nada consensúase cos grupos as necesidades que hai.

A integración na Rede Galega de Locais de Ensaio conleva o acceso a unha serie de beneficios:

 Páxina web. Todos os locais adheridos poderán utilizar para a súa difusión e a publicitación dos grupos que ensaian neles, unha páxina web de nova creación onde os locais/grupos colgarán as actividades que programen, os concertos que vaian tendo os grupos, cortes da música que vaian gravando, e que tamén servirá para que os diferentes locais vexan o que se fai noutros lugares e se comuniquen entre si.

 Acceso a unha liña de subvencións anuais. Ademais os locais integrados na Rede poderán solicitar axudas para a mellora das instalacións ou dotación dentro dunha liña de subvencións que se publicará cada ano dirixida exclusivamente aos locais que se sumen á Rede.

 Programa da Radio Galega Música. Estamos estudiando tamén a posibilidade que en coordinación co IGAEM e en relación co programa de Música ó vivo se realice un programa de música na Radio Galega Música.

Para que Ribeira conte con estas instalacións, o BNG, por medio do concelleiro Luís Teira, presentou unha moción na que solicita o seguinte:

1º Que dende o Concello de Ribeira se fagan as xestións oportunas ante Dirección Xeral de Xuventude da Xunta de Galiza para que se instalen en Ribeira locais de ensaio dentro da Rede do locais de ensaio: “Nsaio”.

2º Que o concello de Ribeira poña a disposición da Dirección Xeral de Xuventude, espazos precisos para poder facer realidade, canto antes, estes locais ensaio.

Moción:
2007-10-15mocionlocaisensaio.pdf

Moción xullo, 2005:
2005-07-15-locais-de-ensaio.pdf

Nova na Voz:
O BNG de Ribeira pide ao executivo que achegue un local a Xuventude para o ensaio de grupos musicais

Nova no Diario de Arousa:
O BNG pide ao Concello un inmoble para habilitar un locais de ensaio

3 reflexións sobre “Ribeira contará con locais de ensaio

  1. Pingback: Iniciativas do BNG ao Pleno ordinario de outubro | BNG de Ribeira

  2. Pingback: O PP rexeita os locais de ensaio de Xuventude | BNG de Ribeira

  3. Pingback: Iniciativas do BNG debatidas no Pleno ordinario de Novembro | BNG de Ribeira

Deixa unha resposta

O teu enderezo electrónico non se publicará Os campos obrigatorios están marcados con *