Beirarrúas e regulación do tráfico en Oleiros

O BNG de Ribeira, por medio do concelleiro Francisco Ayaso, ven de presentar unha iniciativa demandando a regulación do tráfico na estrada C-550 en Oleiros e que se rematen as beirarrúas por ámbolos dous lados.

Esta estrada ao seu paso pola parroquia de Oleiros, concretamente desde Salmón á Gándara, é unha vía moi concorrida onde os vehículos sobrepasan excesivamente os límites de velocidade. Debido a que atravesa estes núcleos de poboación o risco de accidentes por atropelo é moi alto.

Na Gándara hai unha asociación de discapacitados e un colexio que ten uns 300 alumnos, e principalmente en horas punta os transeúntes teñen que cruzar a calzada polos pasos de peóns que a maioría dos vehículos non respectan.

A falta de beirarrúas nalgúns tramos obriga ós viandantes a pasar pola calzada, tanto para levar ós nenos e nenas ao colexio, para ir ó Hospital da Barbanza ou mesmo para desprazarse pola parroquia.

Consideramos imprescindibles esta actuacións nesta vía pois, como todos sabemos, nestes últimos anos houbo múltiples accidentes mortais e atropelos.

Moción:
2007-09-14regulaciontraficobeirarruas.doc

Deixa unha resposta

O teu enderezo electrónico non se publicará Os campos obrigatorios están marcados con *