Interesámonos polo estado dunha motobomba

O BNG de Ribeira, por medio do concelleiro Luís Teira, interesouse polo estado dunha motobomba contra incendios municipal, ao haber varias semanas que non está aparcada no seu lugar habitual a carón da base de Protección Civil nas imediacións da Casa do Concello.

Dase a circunstancia de que este camión é o que ten guindastre elevador, de indubidable utilidade tanto para incendios como para a colocación de pancartas, etc.

Sabendo pois que estamos en época de risco de incendios forestais, consideramos que a nomeada motobomba debería estar completamente operativa na base para poder intervir de xeito inmediato no caso de incendio.

Iniciativa municipal:
2007-08-02preguntamotobomba.pdf

Deixa unha resposta

O teu enderezo electrónico non se publicará Os campos obrigatorios están marcados con *