Regulamento de participación cidadá

O BNG de Ribeira, por medio do concelleiro Luís Teira, levará ao vindeiro Pleno unha moción para que se constitúa unha comisión de traballo con representantes de todos os partidos políticos da corporación coa finalidade de elaborar un regulamento de participación cidadá.

No programa de goberno co que nos presentamos ás eleccións municipais 2007, comprometémonos a institucionalizar no concello a participación cidadá mediante normas e órganos que faciliten esa participación nos asuntos municipais, a través de entidades representativas.

Afortalar o movemento social organizado, aumentar a consciencia e a corresponsabilidade da sociedade na toma de decisións e facer transparente a xestión municipal, son os obxectivos a acadar.

Por esa razón, consideramos moi importante que se poñan en marcha algúns instrumentos de participación cidadá entre os que se atopa o Regulamento de Participación Cidadá que recolla os dereitos, organismos e mecanismos de acceso e participación cidadá na vida municipal. Ao noso entender, este Regulamento ten que incluír tamén fórmulas de participación da cidadanía nas sesións plenarias. Así mesmo, consideramos que deberá especificar os mecanismos para a participación da cidadanía na elaboración dos Orzamentos Municipais.

Moción:
2007-07-20regulamentoparticipacioncidada.pdf

Nova na Voz:
Os nacionalistas ribeirenses reclaman un regulamento de participación cidadá

Deixa unha resposta

O teu enderezo electrónico non se publicará Os campos obrigatorios están marcados con *