Urximos a posta en marcha das instalacións da Fieiteira

2007-09-08deficienciasfieiteira.jpg

O BNG ven de denunciar unha vez máis o retraso na posta en marcha de varias instalacións deportivas no complexo deportivo da Fieiteira. Trátase do novo vaso da piscina municipal e do campo de fútbol de herba artificial, rematados fai xa bastante tempo e que por neglixencia na xestión municipal do Goberno de Ribeira, aínda non entraron en funcionamento.

Feitas as comprobacións pertinentes diante da Deputación e da Consellería de Industria, atopámonos con que, por parte do Goberno Municipal, aínda non se enviou a documentación necesaria, demandada pola Consellería. Eses incumprimentos son reiterados e remóntanse a xuño do 2005, momento este en que a Consellería de Industria remitiu escrito reclamando documentación que ata o momento aínda non foi enviada polo Goberno do PP.

Esta neglixente actuación do Goberno está ocasionando graves molestias á cidadanía en xeral e a varios equipos en particular que necesitan dese campo para a súa práctica deportiva.

Estes feitos deixan en evidencia o interese que di ter este goberno polo deporte, que só se manifesta como escusa para permutas máis que dubidosas.

Nova na Voz:
O BNG denuncia defectos no campo de herba artificial da Fieiteira

Nova no Diario de Arousa:
O BNG critica o retraso na apertura ao público das instalacións de A Fieiteira

Deixa unha resposta

O teu enderezo electrónico non se publicará Os campos obrigatorios están marcados con *