Melloras no complexo deportivo da Fieiteira

O BNG de Ribeira, por medio do concelleiro Luís Teira, ven de solicitar diversas melloras no complexo deportivo da Fieiteira.

Como é sabido, construíuse un campo de herba artificial e un novo vaso de piscina. Obras sen dúbida necesarias dada a alta demanda de usuarios/as e equipos que practican tanto competicións federadas como de usuarios/as que practican deporte por libre. Ambos equipamentos están finalizadas dende hai moito tempo, sen que ata o momento se puxeran a disposición dos usuarios/as.

Por outra banda, no caso do campo de fútbol o peche perimetral, por un lado, está sen facer á espera de que se realicen unhas futuras obras de ampliación do complexo deportivo. Sen embargo e pensando que en breve esta instalación deberá estar á disposición dos e das deportistas, a ausencia deste peche lateral pode resultar perigoso, xa que hai un desnivel do terreo considerable.

Máis información:
2007-08-27_solicitude_arranxo_fieiteira.pdf

Nova na Voz:
Os nacionalistas solicitan a posta en marcha das novas instalacións da Fieiteira

2 Comments on “Melloras no complexo deportivo da Fieiteira”

Deixa unha resposta

O teu enderezo electrónico non se publicará Os campos obrigatorios están marcados con *