NoiteBús na Barbanza e en todas as parroquias

O concello de Ribeira, ten unha poboación nova moi numerosa e dinámica que nas noites da fin de semana e en épocas de vacacións, como esta, se desplaza as zonas de ocio nocturno da nosa cidade e dos concellos do noso entorno.

Sen dúbida unha boa forma de que a nosa mocidade evite accidentes de tráfico é usando o transporte público nas noites de ocio.

De xeito experimental o NoiteBús, foi un servizo que estivo funcionando con grande demanda, pola mocidade ribeirense e a de toda a comarca da Barbanza.

O BNG de Ribeira, por medio do concelleiro Luís Teira, ven de presentar unha iniciativa pola que

SOLICITAMOS:

1º Que o concello de Ribeira se acolla a liña de subvencións para a implantación do NoiteBús segundo reflicte a orde do 22 de maio de 2007.

2º Que o concello de Ribeira cree dentro desta convocatoria de subvencións, unha liña circular que percorra as 9 parroquias de Ribeira, con suficientes frecuencias, para posibilitar que a mocidade que queira pasar as noites de ocio no noso concello non teña que usar o seu coche.

3º Que se manteña a liña de NoiteBús Ribeira-Padrón que facilite o desplazamento da xuventude ribeirense e que permita que mozos e mozas desta comarca poidan vir a Ribeira.

4º Que se cree a liña de NoiteBús Ribeira-Noia que igualmente facilite o desplazamento da xuventude ribeirense e que permita que mozos e mozas poidan vir a Ribeira.

Unha reflexión sobre “NoiteBús na Barbanza e en todas as parroquias

  1. Pingback: Iniciativas do BNG ao Pleno ordinario de outubro | BNG de Ribeira

Deixa unha resposta

O teu enderezo electrónico non se publicará Os campos obrigatorios están marcados con *