A Xunta de Voceir@s tratou o Plan Galego de Acuicultura

Na Xunta de Voceir@s do Concello de Ribeira celebrada o venres, día 6 de xullo, démoslle a coñecer ao resto dos grupos políticos o posicionamento do BNG, no que afecta ao noso Concello, a respecto do Plan Galego de Acuicultura da Consellería de Pesca, que dirixe a socialista Carmen Gallego.

En principio, hai vontade por parte de todos os Grupos Municipais para chegar a un consenso á hora de presentar alegacións.

De todas maneiras preocúpannos as declaracións feitas polo portavoz de Pesca do grupo parlamentario do PPdeG, José Manuel Balseiro, recollidas nun medio de comunicación: O Partido Popular apoia “sacrificar un pouco” a Rede Natura.

Agardamos que este posicionamento do PPdeG non sexa tido en conta polo Goberno Municipal do PP de Ribeira e se traballe de xeito conxunto a nivel municipal para preservar as zonas vírxenes que quedan do noso concello.

Nova na Voz

Deixa unha resposta

O teu enderezo electrónico non se publicará Os campos obrigatorios están marcados con *