Permuta de Fafián

No Pleno do día 26 de marzo aprobouse, cos votos en contra do BNG, a permuta dunha parcela municipal en Fafián, procedente do 10% do aproveitamento urbanístico da Unidade de Execución 12.1, que se recolle no Plan Xeral de Ordenación Municipal (PXOM) de Ribeira, por unha toxeira na Fieiteira.

Características das parcelas:

 

FAFIÁN:
• Superficie: 700 m2
• Total aproveitamentos: 877,5 m2
 Residencial: 660 m2
Terciario: 147,5 m2
 Dotacional: 70 m2
• Pódense construír ata 8 vivendas: S+B+2P+BC
• Valoración que fai o Goberno do solar: 35.158 €
• O prezo de mercado do chan oscila entre 18.000 a 24.000 € por vivenda que se poida construír (8 neste caso).
• O prezo de mercado da parcela oscilaría entre os 150.000€ e os 200.000€, como mínimo.

FIEITEIRA:
• Superficie: 968 m2
• Clasificación: Equipamento.
• Valoración que fai o Goberno: 32.670 €

Nós non estamos de acordo con esa permuta porque consideramos que se está regalando o patrimonio público. Entendemos que a parcela municipal de Fafián está infravalorada. O seu prezo esta moito por debaixo do prezo de mercado. Por iso consideramos que, se o Goberno Municipal se quer desfacer dese solar, debería ser por medio de pública subasta da parcela, ou cando menos, solicitar un par de valoracións externas para ter datos obxectivos. Así llo fixemos saber en Pleno.

Recurso de Reposición

A vista de que non atenderon as nosas propostas decidimos presentar Recurso de Reposición contra o acordo plenario de 26 de marzo de 2007, polo que se aproba a permuta desta parcela situada en Fafián, atendendo aos seguintes criterios:

• Á valoración, moi por debaixo do valor real de mercado do ben. Ademais na valoración da mesma descóntanselle os custes de urbanización, cando, según a Lei do Solo, [Lei 9/2002 modificada pola Lei 15/2004 (BOE 21-1-2003)], art. 20, entre os deberes dos propietarios do chan urbano non consolidado, como é este, deixa claro que non é así.

• Os usos que se debe dar aos bens do patrimonio municipal, tal como se recolle no art. 177 da Lei do Solo. A construción de vivenda suxeitas a algún réxime de protección pública, dado o incremento do prezo da vivenda, tería que ser unha prioridade para o Goberno de Ribeira.

Preocúpannos este tipo de actuacións do Goberno do PP porque xa é a segunda de características similares. A anterior foi unha permuta dun solar de 411 m2 no centro de Ribeira (a carón da Igrexa) por outro tamén na Fieiteira de 1.300 m2, valorándoos de xeito similar. O terreo público da carón da igrexa é urbanizabel e a leira da Fieiteria só se pode dedicar a equipamentos, e, polo tanto, o seu valor no mercado é moito menor.

Recurso de Reposición:

2007-04-26recursoreposicionpremutafafian.doc

Nova:
Correo Galego
A Voz

Deixa unha resposta

O teu enderezo electrónico non se publicará Os campos obrigatorios están marcados con *