Poñendo en valor o noso medio rural

Prevención e defensa contra os incendios forestais de Galiza

O Consello da Xunta aproba por vez primeira o Plan de Defensa contra Incendios de Galiza (PLADIGA).

Tal e como se recolle na Lei de Prevención e Defensa contra Incendios Forestais, aprobada recentemente no Parlamento, a Consellaría do Medio Rural elaborou este plan co obxecto de conseguir, a medio prazo, unha organización máis eficaz e profesionalizada no marco da loita contra o lume. Con respecto ao Plan Infoga, o PLADIGA incorpora unha serie de novidades: a contratación directa por parte da Xunta de todo operativo contra incendios e a súa organización baixo un único mando; a posta en marcha de novas actuacións preventivas; o incremento da formación dos efectivos humanos e unha mellor dotación de material técnico; a integración da sociedade civil, propietarios forestais, comunidades de montes e cooperativas agrarias na loita contra o lume; o cálculo do índice diario de risco (IRDI) con diversos graos de perigo e a aplicación de catro protocolos de alerta en función deses niveis.

Lei de prevención e defensa contra os incendios forestais de Galiza

No documento anexo podes consultar a Lei de prevención e defensa contra os incendios forestais de Galiza:

leiprevenciondefensaincendios.pdf

Banco de Terras de Galiza

O obxectivo da Consellaría do Medio Rural é que o Banco de Terras estea plenamente operativo a partir do un de setembro e que, a finais de ano, se actúe en arredor de 10.000 hectáreas de superficie agraria útil en varias zonas piloto, seleccionadas en función da demanda de terra por parte dos produtores. Durante os próximos meses levarase a cabo unha importante labor informativa co fin de que a cidadanía coñeza o funcionamento deste instrumento público encargado de xestionar o arrendamento de terras agrarias e de garantirlle a súa devolución ao propietario en perfecto estado (unha vez remate o período de alugueiro) e o cobro dunha renda.

Lei de Conservación da Superficie Agraria Útil e do Banco de Terras de Galiza

Podes descargar unha presentación en formato pdf:
bancoterras.pdf

No documento anexo podes consultar a Lei de conservación da superficie agraria útil e do Banco de Terras de Galiza.

leibancodeterras.pdf

Deixa unha resposta

O teu enderezo electrónico non se publicará Os campos obrigatorios están marcados con *